MMU FM HABARI

MMU FM HABARI 7PM NA EDWIN MUCHINA, DANSON MUCHIRI.

MAHAKAMA YA JUU ZAIDI IMETOA UAMUZI KWAMBA BUNGE LA KITAIFA LILIKOSEA KATIKA KUPITISHA MSWADA WA UGAVI  WA  MAPATO BILA KUHUSISHA MCHANGO  WA BUNGE LA SENETI.MAJAJI WA MAHAKAMA HIYO WAMESEMA KWAMBA MCHANGO WA BUNGE LA SENETI ULIPASWA KUHUSISHWA KATIKA MCHANGO WA MSWADA HUO NA MISWADA MINGINE YOYOTE AMBAYO INAHUSISHA UGATUZI. HATA HIVYO, JAJI NJOKI NDUNG’U ALITOFAUTIANA NA UAMUZI HUO.

MSWADA WA MAWASILIANO ULIOPITISHWA HAPO JANA NA BUNGE  NA KUZUA GADHABU KALI KWA KUNUIA KUGANDAMIZA VYOMBO VYA HABARI UNAENDELEA KUVUTIA HISIA KALI HUKU SASA WAZIRI WA MAWASILIANO FRED MATIANG’I AKISEMA KWAMBA ATAKUTANA NA MWANASHERIA MKUU PROFESA GITHU MUIGAI NA MWENYEKITI WA TUME TEKELEZI YA KATIBA CHARLES NYACHAE HII LEO KUONA IWAPO KUNAWEZA KUWA NA MAZUNGUMZO YA KUTAFUTA MWELEKEO KABLA YA MSWADA HUO KUIDHINISHWA NA RAIS NA KUWA SHERIA.

WAKILI WA NAIBU WA RAIS WILLIAM RUTO, DAVID HOOPER , AMEENDELEA KUKOSOA DHANA KWAMBA ALIHUTUBIA MKUTANO WA KISIASA WENYE UCHOCHEZI KATIKA MKOA WA BONDE LA UFA KATIKA KAMPENI ZA UCHAGUZI WA MWAKA 2007.

HOOPER AKIENDELEA KUMWULIZA SHAHIDI WA 6 NA UPANDE WA MASHTAKA MASWALI KATIKA VIKAO VYA LEO VYA KESI DHIDI YA RUTO NA MSHTAKIWA MWENZA JOSHUA SANG’ MBELE YA ICC ALIJADILI PAKUBWA MANDHARI YA KISIASA YA MIKUTANO ALIYOWAHI KUHUTUBIA MTEJA WAKE MKOANI BONDE LA UFA HASA ENEO  LA KAPSABET KWA KUTUMIA USHAHIDI WA KANDA ZA VIDEO KUPINGA MADAI YA UCHOCHEZI DHIDI YA MTEJA WAKE. MAPEMA KATIKA VIKAO HIVYO JAJI ANAYESIMAMIA KESI ZA RUTO NA SANG, CHILE EBUOE OSUJI, ALISEMA KWAMBA WAKILI WA WASHTAKIWA NA UPANDE WA MASHTAKA KATIKA KESI YA RUTO NA SANG WATAPEWA FURSA KUTOA MAONI YAO KUHUSU ATHARI ZINAZOWEZA KUIBUKA KUFUATIA KUAHIRISHWA KWA KESI DHIDI YA RAIS UHURU KENYATTA AMBAYO SASA ITANG’OA NANGA TAREHE 5 MWEZI FEBRUARI MWAKANI.AIDHA WAKILI WA RUTO KARIM KHAN ANATARAJIWA KUTOA OMBI RASMI LA KUTAKA RUTO ARUHUSIWE KUTOHUDHURIA VIKAO VYA KESI JUMA LIJALO.

MSAJILI WA  IDARA YA MAHAKAMA ALIYETIMULIWA KAZINI, GLADYS BOSS SHOLEI, SASA AMEWASILISHA KESI MAHAKAMANI KUPINGA HATUA YA TUME YA KUWAAJIRI WAHUDUMU WA MAHAKAMA JSC KUMTIMUA KAZINI. JAJI WA MAHAKAMA KUU, DAVID MAJANJA AMESEMA KWAMBA KESI HIYO NI YA DHARURA NA AMETENGA TAREHE 4/11/2013 KAMA SIKU ITAKAPOSIKIZWA. JSC TAYARI IMETANGAZA NAFASI HIYO KUWA WAZI NA KUTOA TANGAZO KWA WANAOTAKA KUHUDUMU KATIKA WADHIFA HUO. SHOLEI ALITIMULIWA MAJUMA MAWILI YALIYOPITA KWA KUHUSISHWA NA MATUMIZI MABAYA YA OFISI YAKE.

POLISI HAPA NAIROBI WAMEWAPIGA RISASI NA KUWAUA MAJAMBAZI WAWILI KATIKA BARABARA  YA MBAGATHI NA KUPATA BASTOLA AINA YA SESKA NA MAAFISA WAWILI WA POLISI KUJERUHIWA KATIKA MAKABILIANO HAYO. AIDHA, HUKO MOMBASA, POLISI WAMETIBUA JARIBIO LA KUWATEKA NYARA WAENDESHAJI MAGARI NA KUWAUA WATU WAWILI.

SERIKALI KWA SASA IMEFUTILIA MBALI LESENI YA UCHUKUZI YA KAMPUNI YA UMMOINNER BAADA YA MOJAWAPO YA MABASI HAYO KUHUSIKA KATIKA AJALI KATIKATI MWA JUMA AMBAPO WATU 12 WALIPOTEZA MAISHA YAO HUKU WENGINE WENGI WAKIUGUZA MAJERAHA. WAZIRI WA UCHUKUZI, MHANDISI MICHAEL KAMAU, AMETOA TANGAZO HILO BAADA YA KUTEMBELEA ENEO LA AJALI HIYO ILIYOTOKEA KATIKA MAKUTANO YA MUTINDUWA MTAANI UMOJA HAPA JIJINI NAIROBI. DEREVA WA BASI HILO LILILOHUSIKA KWENYE AJALI TAYARI AMESHTAKIWA KWA MAUAJI NA MAKOSA MENGINE KAMA VILE KUENDESHA GARI VIBAYA. ANGALI ANAZUILIWA NA POLISI HUKU UCHUNGUZI UKIENDELEA.