MMU FM KURUNZI AT 7 A.M BY WINNIE KERUBO

VIKAO KATIKA MAHAKAMA YA ICC KUHUSU KESI DHIDI YA NAIBU WA RAIS WILLIAM RUTO NA MWANAHABARI JOSHUA ARAP SANG BADO VINAENDELEA. AWALI SHAIDI WA  SITA KWENYE KESI HIYO ALITAJA KAMPENI ZA KURA YA MAAMUZI KUHUSU KATIBA, MWAKA  WA ELFU MBILI NA TANO KUWA CHANZO CHA UHASAMA WA SIASA NCHINI. AMEAMBIA MAHAKAMA HIYO KWAMBA WANASIASA WALIENEZA UVUMI WAKIDAI KWAMBA IWAPO KATIBA HIYO  INGEPITISHWA, JAMII YA KALENJIN INGEPOTEZA ARDHI. AIDHA AMETAJA MANENO KWEKWE NA MADOADOA YALIYOGUSIWA NA MASHAHIDI WAWILI WALOITANGULIA. AMEELEZA MAHAKAMA KWAMBA MANENO HAYO YALIYOTUMIWA KUMAANISHA WATU WA JAMII YA KIKUYU AMBAO HAWAKUTAKIKANA KATIKA ENEO LA BONDE LA UFA.

29H OCTOBER, 2013 MMU FM KURUNZI  7 A.M BY WINNIE KERUBO

WANAUME WAWILI WANAODAI KWAMBA WALIKUA MASHAHIDI WA ICC WAMEWASILISHA OMBI MAHAKAMANI KUPINGA KUWASILISHWA KWA ALIYEKUWA MWANAHABARI WALTER BARASA JIJINI THE HAGUE  UHOLANZI WAKISEMA KWAMBA HATATENDEWA HAKI. WAWILI HAO SIMON KIPKOLUM NA ROTICH SAMUEL KOSGEI AIDHA WANADAI KUTESEKA MIKONONI PA MWENDESHI WA MASHTAKA YA ICC FATOU BENSOUDA.

ROTICH KWA UPANDE WAKE AMESEMA ALINYIMWA DAWA  ZA KUPUNGUZA  MAKALI YA VIRUSI VYA HIV NDIO MAANA AKAJIONDOA KATIKA KUTOA USHAHIDI MAHAKAMANI HUMO.

29^TH OCTOBER, 2013 MMU FM KURUNZI  7 A.M BY WINNIE KERUBO

INSPEKTA JENERALI WA POLISI DAVID KIMAYIO AMEELEZEA UMUHIMU WA USHIRIKIANO KATI YA VYOMBO VYA HABARI NA IDARA ZA USALAMA NCHINI.

KWENYE TAARIFA  ILIYOTUMIWA VYOMBO VYA HABARI JIONI YA JANA, KIMAYIO  ALISEMA USHIRIKIANO  HUO AMBAO UMEKUWAPO KWA KIPINDI KIREFU WAFAA KUENDELEZWA HILI KUIMARISHA USALAMA NCHINI. ALIWASIHII WANAHABARI KUANGAZIA MASUALA MUHIMU KWA TAIFA BADALA YA KUKASHIFU IDARA ZA USALAMA.

AIDHA ALIWASIHI WANAHABARI KUTOFICHUA MATUKIO  YANAYOWEZA KUHADHIRI FAMILIA ZA WALIOHADHIRIWA MFANO MATUKIO KATIKA JUMBA LA WESTAGAE. ALIONGEZA KWAMBA UHURU WA VYOMBO VYA HABARI NA UHURU WA KUZUNGUMZA KWA MUJIBU WA KATIBA HAUFAI KUTUMIWA VISIVYO. KAULI YA KIMAYIO INAJIRI KIDOGO TU BAADA YA RAIS UHURU KENYATTA KUWASIHI WANAHABARI WAWAJIBIKE KILA WANAPORIPOTI MATUKIO KUHUSU USALAMA.

29^TH OCTOBER, 2013 MMU FM KURUNZI  7 A.M BY WINNIE KERUBO

MIVUTANO KATI YA TUME YA KURATIBU MISHAHARA YA WATUMISHI WA UMMA SRC NA WABUNGE WA KAUNTI INATARAJIWA KUONEZEKA HATA ZAIDI. HII NI KUFUATIA HATUA YA TUME HIYO KUSISITIZA KWAMBA, HAITASHUGULIKIA SUALA LA MISHAHARA YA  WABUNGE WA KAUNTI NA WAFANYIKAZI WENGINE KATIKA MABUNGE HAYO HADI PALE MAJUKUMU YAO YATAKAPOTATHIMINIWA UPYA.

 KATIKA KIKAO NA WANAHABARI MAPEMA JANA MWENYEKITI WA SRC SARAH SEREM AIDHA ALISEMA KWAMBA IWAPO MAJUKUMU YA WAFANYIKAZI HAO HAYATATHAMINIWA, BASI MISHAHARA YAO HAITABADILISHWA.

29^TH OCTOBER, 2013 MMU FM KURUNZI  7 A.M BY WINNIE KERUBO

RAIS UHURU KENYATTA HAPO  JANA ALIANZA ZIARA YAKE  YA SIKU TATU  NCHINI RWANDA KUHUDHURIA KONGAMANO KUHUSU  MIUNDO MSINGI AMBALO PIA LITAHUDHURIWA NA MARAIS WENGINE KUTOKA UGANDA,  SUDAN  KUSINI NA RWANDA.  MASUALA MENGINE YATAKAYOJADILIWA NI USHIRIKIANO KATIKA BIASHARA, MASUALA YA UCHUMI NA MAENDELEO MIONGONI MWA MASUALA MENGINE.  HII LEO RAIS ATAJUMUIKA NA VIONGOZI WENGINE WA MATAIFA KUMI NA MAWILI YA AFRIKA KATIKA KONGAMANO JINGINE AMBALO LIMEANDALIWA NA WASHIRIKA KATIKA MAWASILIANO YA INTERNATIONAL TELECOMMUNICATION UNION. KONGAMANO HILO LINALENGA KUJADILI CHANGAMOTO ZINAZOKUMBA MAENDELEO HASA KUHUSIANA NA UTUMIZI WA TEKNOLOJIA, HABARI NA MAWASILIANO. VIONGOZI WENGINE WANAOTARAJIWA KUHUDHURIA KONGAMANO HILO NI WAZIRI MKUU WA ETHIOPIA HAILE MARIAM DEZEL, RAIS GOODLUCK JONATHAN WA NIGERIA, JAKAYA KIKWETE WA  TANZANIA, YOWERI KAGUTA MUSEVENI WA UGANDA, IBRAHIM GOBAA KEITA WA MALI, SALVA KIRMA WA SUDAN KUSINI MIONGONI MWA  WENGINE.

  

KIMATAIFA

RAIS WA SUDAN OMAR ALBASHIR, ANASEMA KUWA ATASHIRIKIANA NA MWENZAKE

WA SUDAN KUSNI K KUTATUA MGOGORO KUHUSU ENEO WANALOZOZANIA LA ABYEI. ALBASHIR ALISEMA KUWA ANTAKA MWAFAKA UTAKAO KUBALIKA KWA WATU WA ABYEI KUPATIKANA. HALI YA ABYEI HAIJAJULIKANA TANGU SUDAN KUSINI KUJIPATIA UHURU MNAMO MWAKA ELFU MBILI KUMI NA MOJA. WATU WA KABILA LA NGOK- DINKA WALIO NA UHUSIANO NA SUDAN KUSINI WANAJIANDAA KWA KURA YA MAONI KUHUSU IKIWA WATAKUWA UPANDE WA SUDAN AU SUDAN KUSINI.

CHECHE 

KUNA WATU NA VIATU HAPA DUNIANI. NDIO MADA YA KIBAO KIMOJA NA MSANII MMOJA MASHUHURI HAPA NCHINI. KWA KWELI VITUKO NA SARAKASI HAVIISHI HAPA DUNIANI. SASA MJINI NYERI MWANAMKE MMOJA ALIPANGA NJAMA YA KUMHADAA MUMEWE KWAMBA  MARY NJERI ALIKUWA  AMETOROKA NA MPENZI WAKE WALA HAUWA AMETEKWA NYARA.

MARY MNJERI MWENYE UMRI WA MIAKA ISHIRINI NA MIWILI ALITOKA NYUMBANI KWAKE MATHIRA  WIKI   ILIYOPITA KUELEKEA KARATINA  ILI  KUNUNUA NGUO ATAKAYOVAA KATIKA HARUSI YA SHEMEJI YAKE. LAKINI MAMA HUYO WA MTOTO MMOJA HAKUREJEA NYUMBANI SIKU HIYO. BADALA YAKE AKAMTUMIA MUMEWE UJUMBE KUWA AMETEKWA NYARA. KATIKA UJUMBE HUO, NJERI ALIMHAKIKISHIA MUMEWE KUWA WATEKAJI NYARA HAO WALIKUWA WAMEMFUNGA NIKONO NA HATA MIGUU ASIWEZE KUOMBA MSAADA.

 MARY ALIDAI KUWA ALIABIRI GARI AINA YA PROBOX KUREJEA NYUMBANI LAKINI DEREVA NA HABIRIA WENGINE WA GARI HILO WALIGEUKA NA KUMTEKA NYARA. ALIDAI KUWA WALIOMKAMATA WALITAKA SHILINGI NUSU  MILIONI NDIPO WAMWACHILIE NA KUMTAKA MUMEWE ATUME SHILINGI ELFU KUMI KWANZA.

MUMEWE MARY NA AMBAYE NI KONDAKTA, ALIWAARIFU POLISI AMBAO WALIANZA UCHUNGUZI MARA MOJA. UCHUNGUZI HUO ULIISHIA MJINI THOGOTO ALIPOPATIKANA MARY.  LAKINI TOFAUTI NA MADAI YAKE HAKUWA AMETEKWA NYARA BALI ALIKUWA NA AKIJIBURUDISHA NA MPENZI WAKE.

JAMBO HILI LILIMSHANGAZA SANA MUMEWE AMBAYE ANASEMA HAKUTARAJIA JAMBO KAMA HILO KWANI HAAKUWA WAMEKOSANA NA MKEWE.

MARY PAMOJA NA MPENZIWE WANAZUILIWA KATIKA KITUO CHA PLOISI CHA KARATINA WAKISUBIRI KUFIKISHWA MAHAKAMANI.