99.9 MMU FM BIASHARA BY NDERITU MBUGUA 17/10/2013

99.9 MMU FM  BIASHARA 7:45PM BY  NDERITU MBUGUA    17/10/2013

IDADI YA WATALII WANAOWASILI HAPA NCHINI WIKI MBILI KABLA YA KENYA KUSHUHUDIA KUANDAMWA KWA MWEZI ALMAARUFU SOLAR ECLIPSE INAZIDI KUONGEZEKA.

TUKIO HILO LA KIHISTORIA LITASHUHUDIWA KATIKA MBUGA YA WANYAMA YA SIBILOI ZIWA TURKANA MNAMO NOVEMBA TATU MWAKA HUU.WATALII KUTOKA AUSTRALIA, INDIA, UCHINA NA UARABUNI WANAENDELEA KUFIKA NCHINI HUKU KAMPUNI ZA UTALII NA USAFIRI ZIKIKADIRIA MAPATO YA JUU KATI YA SASA NA WAKATI HUO.

 99.9 MMU FM  BIASHARA 7:45PM BY  NDERITU MBUGUA    17/10/2013

WAZIRI WA MADINI NAJIB BALALA AMEWAAGIZA WACHIMBA MADINI KUWA LAZIMA WAFUATE KANUNI ZA UCHIMBAJI  MADINI LA SIVYO MADINI  HAYO YATASALIA CHINI YA ARDHI.

WAZIRI HUYO AMESEMA KUWA KATU HATAKUBALI WAKENYA KUTUMIWA NA WACHIMBA MIGODI KINYUME CHA SHERIA HUKU AKISISITIZA KUWA LAZIMA WENYEJI WA MAENEO YENYE MADINI WAFAIDIKE KUTOKANA NA MADINI HAYO.

AMESEMA KUWA SHERIA MPYA YA UCHIMBAJI WA MIGODI IKO MBELE YA BARAZA YA MAWAZIRI NA PINDI ITAKAPOIDHINISHWA ITATILIA MKAZO KAULI YAKE.

 99.9 MMU FM  BIASHARA 7:45PM BY  NDERITU MBUGUA    17/10/2013

KAMPUNI YA MAKADEMIA YA EQUITORIAL NUT PROCESSORS KUTOKA MURANG’A IMETIA SAHIHI MKATABA WA MAKUBALIANO NA KAUNTI YA EMBU.

MKATABA HUO UTAIWEZESHA KAMPUNI HIYO KUJENGA KIWANDA CHA KUTENGENEZA NJUGU KARANGA KATIKA KAUNTI HIYO KWA DHAMANA YA SHILINGI BILIONI MBILI.

MWENYE KITI WA KAMPUNI HIYO PETER MUNGA ALIYE PIA MWENYEKITI WA BENKI YA EQUITY NDIYE ALIYETOA HABARI HII.

UPANDE WAKE KAUNTI YA EMBU KUPITIA GAVANA WAKE NYAGA WAMBORA UMEAHIDI KUTOA ARDHI AMBAPO KIWANDA HICHO KITANJENGWA.

KITAKAPONJENGWA, KIWANDA HICHO KITATOA NAFASI YA AJIRA KWA MAMIA YA WENYEJI WA KAUNTI HIYO.

99.9 MMU FM  BIASHARA 7:45PM BY  NDERITU MBUGUA    17/10/2013

KATIKA SOKO LA UBADILISHANAJI WA FEDHA, DOLA YA MAREKANI ILINUNULIWA KWA SHILINGI THEMANINI NA NNE NA SENTI THEMANINI NA SABA NA KUUZWA KWA SHILINGI THEMANINI NA TANO NA SENTI SITA.

PAONDI YA WINGEREZA ILINUNULIWA KWA SHILINGI MIA MOJA THELATHINI NA TANO NA SENTI THEMANINI NA NNE NA KUUZWA KWA SHILINGI MIA MOJA THELATHINI NA SITA NA SENTI KUMI NA TANO.

EURO ILINUNULIWA KWA SHILINGI MIA MOJA KUMI NA TANO NA SENTI NANE NA KUUZWA KWA SHILINGI MIA MOJA KUMI NA TANO NA SENTI THELATHINI NA SITA.