21ST OCTOBER 2013 MMU FM KURUNZI 7 & 8 PM BY EDWIN MUCHINA

TUME YA JSC IMEAHIDI KUELEZEA KWA UNDANI MAMBO YALIYO PELEKEA  HATUA YA KUTIMULIWA KWA MSAJILI MKUU WA MAHAKAMA GLADYS BOSS SHOLEI, JAJI MKUU DAKTARI WILLY MUTUNGA AMBAYE NDIYE MWENYE KITI WA TUME YA JSC AMEPUZILIA MBALI MADAI YALIYOTOLEWA NA SHOLEI MAPEMA HAPO JANA KWAMBA  HAKUPEWA NAFASI YA KUJITETEA MBELE YA TUME HIYO KUHUSU MADAI KWAMBA ALITUMIA VIBAYA MAMLAKA YAKE PAMOJA NA KUTUMIA VIBAYA  FEDHA ZA IDARA YA MAHAKAMA. KATIKA TAARIFA ILIYOTUMIWA VYOMBO  VYA HABARI, JAJI MKUU AMESEMA JSC, ITAHUSISHA WAHUSIKA WOTE IKIWA PAMOJA NA UMMA KATIKA KUFAFANUA MATOKEO YA UCHUNGUZI WAKE NA HATUA ZAKE KATIKA SIKU  ZIJAZO. HAYA YANAJIRI SAA CHACHE BAADA YA MSAJILI MKUU  WA MAHAKAMA ALIYEFUTWA KAZI GLADYS SHOLEI KUJITOKEZA  KUSHTUMU  TUME  INAYOSIMAMIA IDARA YA MAHAKAMA JSC KUTOKANA NA HATUA YAKE YA KUMTIMUA KUHUSU MADAI YA UFISADI   YANAYOMKABILI. AKIONGEA MARA YA KWANZA TANGU ALIPOTIMULIWA  NA JSC MNAMO IJUMAA SHOLEI AMEKANUSHA MADAI KWAMBA ALITUMIA VIBAYA PESA ZA IDARA YA MAHAKAMA, KUWAKOSEA HESHIMA WAKUBWA WAKE NA KUSHINDWA NA KAZI HUKU AKISEMA HATUA YA KUTIMULIWA  KWAKE  ILICHUKULIWA BILA KUZINGATIA SHERIA.

SHOLEI AMEDOKEZA KWAMBA HUENDA AKAELEKEA MAHAKAMANI KUPINGA HATUA YA KUMTIMUA. HUKU PIA AKISEMA NI MUHIMU VITABU VYA HESABU KATIKA IDARA YA MAHAKAMA VIKAGULIWE NA MKAGUZI MKUU WA SERIKALI.  AKISEMA ANAAMINI KWAMBA HATUA HIYO ITAMWONDOA LAWAMANI.KADHALIKA AMESEMA WANA JSC HAWAKUMPA NAFASI YA KUJITOKEZA MBELE YA TUME HIYO KUJITETEA. AKITANGAZA KUFUTWA KWA SHOLEI JAJI MKUU DAKTARI WILLY MTUNGA ALISEMA IDARA YA MAHAKAMA ITAPOTEZA SHILINGI BILLIONI MBILI NUKTA MBILI KUTOKANA NA UFISADI.

21^ST OCTOBER 2013 KURUNZI AT 7 PM AND 8 PM BY EDWIN MUCHINA

MWENYEKITI WA KAMATI YA BUNGE KUHUSU BAJETI NA MAKADIRIO MUTAVA MUSYIMI AMEELEZEA WASIWASI WAKE KUHUSU KUENDELEA KUONGEZEKA KWA KIWANGO CHA PESA ZINAZOTUMIKA KUWALIPA WATUMISHI WA UMMA KINAZUIA MAENDELEO YA KIUCHUMI NCHINI. AKIONGEA HUKO MBEERE, MBUNGE HUYO AIDHA AMEONGEZA TUME YA KUSHUGHULIKIA MISHAHARA YA WATUMISHI WA UMMA SRC IMEAMBIA KAMATI YAKE KWAMBA HALI ITAKUWA NGUMU ZAIDI IKIWA PESA ZINAZOTUMIKA KUWALIPA WATUMISHI WA UMMA ZITAENDELEA KUONGEZEKA.

21^ST OCTOBER 2013 KURUNZI AT 7 PM AND 8 PM BY EDWIN MUCHINA

SHAHIDI WA TANO KATIKA MAHAKAMA YA HAGUE AMEINGIA KIZIMBANI.SHAHIDI HUYO AMEINGIA KIZIMBANI BAADA YA WAKILI WA RUTO ISHA FAHAAL NA WAKILI WA JOSHUA SANG KUKAMILISHA MASWALI YAO KWA SHAHIDI WA NNE KATIKA KESI DHIDI YA NAIBU RAIS WILLIAM RUTO NA MSHTAKIWA MWENZA AMBAYE NI JOSHUA ARAP SANG. KABLA YA KUANZA KUTOA USHAHIDI WAKE, JAJI ANAYESIMAMIA KESI YA RUTO NA SANG CHILE EBOU OSUJI ALIMPA MAELEZO KUHUSU JINSI MAMBO YANAVYOENDESHWA KATIKA MAHAKAMA HIYO. AWALI MWENDESHA MASHTAKA ANTHONY STAINER BERG ALIPEWA MUDA MCHACHE WA KUDHIBITISHA MAMBO KADHAA YALIYOIBUKA WAKATI WAKILI WA RUTO ALIPOKUWA AKIMUULIZA SHAHIDI WA NNE MASWALI KABLA YA KUMPISHA SHAHIDI WA TANO KATIKA KIKAO KILICHOELEKEA FARAGHANI.  

21^ST OCTOBER 2013 KURUNZI AT 7 PM AND 8 PM BY EDWIN MUCHINA

SIKU MOJA KABLA YA KUANZA KWA MTIHANI WA KITAIFA WA KIDATO CHA NNE KCSE, BARAZA LA KITAIFA LA MITIHANI NCHINI KNEC LINAONYA WALIMU, WATAHINIWA NA WAZAZI WAO KWAMBA WALE WATAKAOJARIBU KUSHIRIKIANA KUFANYA UDANGANYIFU WATACHUKULIWA HATUA KALI.

AKIONGEA HUKO GARISA, AFISA MKUU WA KNEC PAUL WASANGA AMBAYE AMEFANYA MKUTANO NA WATAHINIWA KATIKA  MITIHANI YA KITAIFA YA KCSE NA KCPE KATIKA ENEO HILO, AMESEMA BARAZA LA KNEC HALIWALENGI WANAFUNZI HAO KWA AJILI YA KUWAHANGAISHA IKIZINGATIWA RIPOTI YA UCHUNGUZI ILIYOTOLEWA JUZI IMEONYESHA KWAMBA KUNA DALILI ZA UDANGANYIFU KUTOKEA KWENYE KAUNTI YA GARISA.

WASANGA KATIKA MKUTANO HUO ALIANDAMANA NA MBUNGE WA ENEO HILO ADEN DOUALE AMBAYE PIA NI KIONGOZI WA WENGI BUNGENI. SHULE KATIKA KAUNTI YA GARISA NA ENEO ZIMA LA KAZIKAZINI MASHARIKI ZIMEADHIRIKA SANA NA SWALA LA KUFUTILIWA MBALI KWA MITIHANI KUTOKANA NA MADAI YA UDANGANYIFU. 

21^ST OCTOBER 2013 KURUNZI AT 7 PM AND 8 PM BY EDWIN MUCHINA

MWANAUME MMOJA AMEJISALIMISHA KWA POLISI MAPEMA HII LEO BAADA YA KUMUUA MKEWE KINYAMA KATIKA MTAA WA KAWANGWARE KUFUATIA MZOZO ULIOHUSISHA SHILINGI HAMSINI. KULINGANA NA POLISI KISA HICHO KIMETOKEA KATIKA ENEO LA GATINA USIKU WA KUAMKIA LEO BAADA YA UGOMVI KATI YA WAWILI HAO. RIPOTI ILIYOWSASILISHWA KWENYE KITUO CHA POLISI CHA MUTHANGARI INASEMA KWAMBA WAWILI HAO WALIZOZANA KUHUSU SHILINGI HAMSINI KABLA YA MWANAUME HUYO KUCHUKUA KISU NA KUMDUNGA MKEWE TUMBONI NA PIA KUMKATA MATUMBO.

MKUU WA POLISI WA NAIROBI BENSON KIFUL AMESEMA MWANAUME HUYO ATAFIKISHWA MAHAKAMANI PINDI UCHUNGUZI UTAKAPOKAMILIKA.