18TH OCTOBER 2013 MMU FM KURUNZI 7 AND 8PM HILDA KIBET

 18TH OCTOBER 2013 MMU FM  KURUNZI 7 AND 8PM    HILDA KIBET

TUME YA JSC IMEMPIGA KALAMU MSAJILI MKUU WA IDARA YA MAHAKAMA GLADYS BOSS SHOLEI. TANGAZO HILI LIMETOLEWA NA TUME YA KUHUDUMIA MAHAKAMA JSC KATIKA KIKAO CHA WAANDISHI WA HABARI. TUME HII IMESEMA KUWA  UKOSEFU WA NIDHAMU,  KUTOZINGATIA KIFUNGU CHA SITA CHA KATIBA YA KENYA NA KUTOWAJIBIKA KWAKE SHOLEI, NI BAADHI YA MAMBO YALIYOMPELEKEA KUPOTEZA KAZI.
18TH OCTOBER 2013 MMU FM  KURUNZI 7 AND 8PM    HILDA KIBET

WATU WAWILI WAMEDHIBITISHWA KUAGA DUNIA  NA WENGINE WATANO KUJERUHIWA VIBAYA BAADA YA VITA KUZUKA KATI YA JAMII YA WATURKANA NA WASAMBURU KATIKA ENEO LA WASORONGAI HUKO BARAGOI, SAMBURU. WATU WATATU WAMESAFIRISHWA KWA NDEGE ILIYOKODISHWA NA SHIRIKA LA MSALABA MWEKUNDU, HADI HAPA NAIROBI KWA MATIBABU ZAIDI. AFISA WA MSALABA MWEKUNDU HUKO BARAGOI, GITONGA MUGAMBI, AMEDHIBITISHA KISA HICHO. INASEMEKANA KUWA VITA HIVYO VIMEZUKA BAADA YA JAMII MOJA KUFANYA UVAMIZI NA KUJARIBU KUIBA NG’OMBE

18TH OCTOBER 2013 MMU FM  KURUNZI 7 AND 8PM    HILDA KIBET

MSHAURI WA MASWALA YA KISIASA KATIKA OFISI YA RAIS, JOSHUA KUTUNY, AMETAJA  KAMA UVUMI HABARI KWAMBA, HUENDA RAIS UHURU KENYATTA AKASUSIA VIKAO VYA KESI DHIDI YAKE KATIKA MAHAKAMA YA KITAIFA YA  ICC. KUTUNY AMESEMA KWAMBA RAIS UHURU ATAENDELEA KUSHIRIKIANA NA MAHAKAMA HIYO AMBAKO KESI YAKE INATARAJIWA KUNG’OA NANGA TAREHE 12/11/2013 HUKU AKIONGEZA KUWA ANATUMAI MAHAKAMA HIYO ITAMRUHUSU UHURU KUHUDHURIA TU BAADHI YA VIKAO.WAZIRI WA MASHAURI YA KIGENI, AMINA MOHAMMED, NAYE AMESEMA KWAMBA HAKUNA RAIS AMEWAHI KUFIKISHWA MBELE YA MAHAKAMA YA ICC AKIWA MAMLAKANI, MATAMSHI YALIYOZUA MASWALI, KUWA  IWAPO UHURU ATAKAIDI KESI HIZO. HATA HIVYO, HAJAFAFANUA IWAPO UHURU ATAKAIDI UAMUZI WA MATAIFA A.U IWAPO ICC HAITAKUBALI OMBI LAKE.

18TH OCTOBER 2013 MMU FM  KURUNZI 7 AND 8PM    HILDA KIBET

JAJI RICHARD MWONGO, AMESEMA KWAMBA OMBI LA MAHAKAMA YA ICC LA KUTAKA MWANAHABARI WALTER BARASA AWASILISHWE MBELE YA MAHAKAMA HIYO, KWA KUTATIZA UTEKELEZAJI WA HAKI NA KESI AMBAPO BARASA ANAPINGA AGIZO LA KUKAMATWA KWAKE ITASIKIZWA PAMOJA MNAMO TAREHE 11/11/2013. PANDE ZOTE HUSIKA KATIKA KESI HIYO, ZIMETAKIWA KUWASILISHA MAJIBU YAO KABLA YA SIKU HIYO. HATA HIVYO, WAMEELEKA KATIKA KIKAO NA JAJI ILI KUJADILIANA KUHUSU TAREHE KAMILI. JAJI MWONGO AIDHA, AMEELEKEZA KUWA MAAGIZO YALIYOTOLEWA NA JAJI GEORGE ONUNGA, KUWA BARASA APEWE ULINZI YAENDELEE KUTEKELEZWA. PIA, AMEELEKEZA KUWA, JOHN MBUGUA, AJUMUISHWE KATIKA KESI HIYO. KWENYE KIKAO HICHO WAKILI WA BARASA, KIBE MUNGAI, AMEOMBA AWASILISHE UPYA HATI KIAPO ITAKAYOELEZEA KWA KINA SABABU ZAKE NI KWA NINI KESI DHIDI YA BARASA ISIKIZWE HUMU NCHINI, HUKU OMBI HILO LIKIPOKEA UPINZANIKUTOKA  KWA MAWAKILI WA PANDE ZOTE KUTOKANA NA UKOSEFU WA MUDA JAPO AMERUHUSIWA KUFANYA HIVYO. WAKILI WA BARASA, BW. KIBE ANATAKA AGIZO LA KUZUIA KUWASILISHWA KWA BARASA MBELE YA ICC ITOLEWE NA BARASA ASHTAKIWE HUMU NCHINI.

18TH OCTOBER 2013 MMU FM  KURUNZI 7 AND 8PM    HILDA KIBET

MAAFISA WA IDARA YA MAHAKAMA SASA WATAANZA KUTIA SAHIHI KANDARASI ZA UTENDAJI KAZI BAAADA YA JAJI MKUU WILLY MTUNGA KUZINDUA KAMATI ITAKAYOSIMAMIA UTENDAJI KAZI WA WAFANAYAKAZI WA IDARA YA MAHAKAMA. MUTUNGA AMESEMA KWAMBA, SASA ANATUMAINI KUWA UZINDUZI HUO UTAWEZESHA WAHUDUMU WA MAHAKAMA KUWA NA UWAZI NA UWAJIBIKAJI WAKATI WANAHUDUMIA WAKENYA. KAMATI HIYO INA WANACHAMA KUMI NA WAWILI NA ITAONGOZWA NA DANIEL MUSIMBA KAMA MWENYEKITI. NAIBU JAJI MKUU KALPANA RAWAL AMESEMA KWAMBA KANDARASI ZA UTENDAJI KAZI ZITABORESHA UTENDAJI KAZI  KATIKA IDARA HIYO.

18TH OCTOBER 2013 MMU FM  KURUNZI 7 AND 8PM    HILDA KIBET

KIMATAIFA
MAAFISA NCHINI UGANDA WAMEKAMATA SHEHENA LA MENO YA TEMBO YENYE UZITO WA TANI MBILI AMBALO NI KIWANGO KIKUBWA ZAIDI KUKAMATWA KWA MIAKA MINGI ILIYOPITA. CHAMA CHA WANYAMA PORI NCHINI UGANDA, KIMESEMA MENO YAPATAYO 832 YENYE THAMANI YA DOLA MILIONI 6.7 YAMEKAMATWA. WATAALAMU WANASEMA BAADHI YA MENO HAYO YANAAMINIKA YAMETOKANA NA TEMBO WALIOUAWA NA MAJANGILI NJE YA NCHI YA UGANDA.